စင်ပေါ်မှာ ခွင့်ပြုချက်မရှိဘဲ သီဆိုကြသည့် အဆိုတော် အချို့ကို မူပိုင်ခွင့်ဖြင့် တရားစွဲဖို့ စီစဉ်နေသည့် သားစိုး

၉  အောက်တိုဘာ 

 

" ရောသမမွှေ" တေးစီးရီး ထွက်ရှိခဲ့ပြီး နောက်ပိုင်း ၊ စီးပွားရေးဘက်ကို ခြေဦးလှည့်ခဲ့သည့် အဆိုတော်သားစိုးတစ်ယောက် ၊ရွှေပိုးနန်းတော် ၊ ရောသမလ္ဘက်ချဉ်စပ်လုပ်ငန်း ၊အိမ်ခြံမြေ အကျိုးဆောင် လုပ်ငန်းတွေ လုပ်ကိုင်ရင်း ၊ ရောသမစင်တာ ဆိုပြီး  တစ်နေရာတည်းမှာ အစားအသောက်မျိုးစုံကို ရရှိနိုင်သည့် စင်တာကို မကြာသေးမီက ဖွင့်လှစ်ခဲ့ကြောင်းသိရပြီး ၊ ယင်းအနေဖြင့်  နိုဝင်ဘာလ အတွင်း "ချိုချို" ဟုအမည်ပေးထားသော တစ်ကိုယ်တော်စီးရီးခွေ ထွက်ရှိရန်ပြင်ဆင်နေကြောင်းသိရသည် ။

 

" ချိုချို ဆိုတာ တေးသံ ချိုချိုလေးတွေကိုပြောတာပါ ၊ သင်္ကြန်မတိုင်ခင်ထွက်မှာပါ ၊ ဟစ်ဟော့ ပုံစံလေးတွေ ဖန်တီးထားပါတယ် ၊ နောက်ပြီး ရုပ်ရှင်ဇာတ်ဝင်တေးသီချင်းတွေ လည်းပါမယ် ၊ " ဟက်ထိတယ် " ၊ " ကမ္ဘာကျော် " ရုပ်ရှင်ကားထဲက သီချင်းတွေပါ ၊ အဲ့တော့ အခွေမှာ ဇာတ်ဝင်တေး (၆) ပုဒ် နဲ့ သီချင်းအသစ် (၈) ပုဒ်ထည့်ထားပါတယ်၊ ကျွန်တော်  ပရိသတ်တွေ စိတ်ညစ်စေမယ် ဟာတွေမပါစေရပါဘူး ၊ကျွန်တော် အနေနဲ့ဆို သီချင်းတွေ ဖန်တီးတိုင်း ခဏခဏဆိုသလို တောင်းပန်ရတာများတယ် ၊ ဒါကလည်း ကျွန်တော်မှာ လိုအပ်ချက်လေးတွေ ရှိသွားလို့ပါ ၊ " ဟု ပြောဆိုသည်။

 

ယင်းအနေဖြင့် ခိုးကူးခွေတွေ ခေတ်စားခဲ့သော အချိန်ကလည်း အားလုံး၏ အမုန်းခံအဖြစ်ခံယူပြီး ဂီတလောက ပြောင်းလဲမှုအတွက် ကျရာနေရာမှ ပါဝင်ဆောင်ရွက်ခဲ့ပြီး ယခုအချိန်တွင်လည်း မူရင်း သီဆိုထားကြသော တေးသံရှင်များအနေဖြင့် မိမိတို့ တေးသီချင်းများကို ခွင့်ပြုချက်မတောင်းဘဲ  ငွေကြေးအရ သီဆိုကြခြင်း ၊ ထုတ်လွှင့်ကြခြင်း များရှိနေသောကြောင့် ၎င်းအနေဖြင့် ထိရောက်သော ဥပဒေကျင့်ထုံးများဖြင့် တရားစွဲဆိုရန်ပြင်ဆင်နေကြောင်း သိရသည်။

 

"ကျွန်တော် အရင်ကလည်း ဂီတအကျိုးကိုအများကြီး လုပ်ခဲ့တာဆိုတော့ ကျွန်တော့်ကို ဂီတလောကက မိတ်ဆွေက ယုံကြည်ကြတယ်၊  အဲ့တော့ ခိုးကူးတင်မဟုတ်ဘူး၊ ခိုးရိုက်တာတွေကအစ ဖမ်းမှာပါ၊ ၂၀၁၄ / ၂၀၁၅ ခုနှစ်တုန်းက ခိုးကူးတွေကို ဖမ်းခဲ့တာပါ၊ အခုဆိုကျွန်တော့်ကို  နိုင်ငံကျော် အနုပညာရှင် (၄) ဦးလောက် အပ်ထားပါတယ်၊အခုဟာက ကျွန်တော်တို့ အနုပညာသမားတွေရဲ့ မူပိုင်ခွင့်တွေကို ခိုးသုံးနေကြတာကို လုပ်မှာပါ၊ စင်ပေါ်မှာ ခွင့်ပြုချက် မရှိဘဲ ယူသုံးတာတွေကို ဆိုလိုတာပါ" ဟု ထပ်မံပြောကြားခဲ့သည်။

 

သားစိုး အနေဖြင့် သူ့ရဲ့ကိုယ်ပိုင်လုပ်ငန်းတွေ အားလုံးကို မူပိုင်ခွင့်များလုပ်ဆောင်သွားမည်ဟု သိရသည်။

 

ကိုလင်း

Share this on Social Media