မန်ချက်စတာမြို့က ဘူတာရုံ မှာ အသက် ၂၅ နှစ်အရွယ် အမျိုးသားတစ်ဦးက လူများကို နှစ်သစ်ကူးညပိုင်းက ဓါးနှင့် ထိုးတဲ့အတွက် လူသုံးဦး ဒဏ်ရာရရှိခဲ့ပါတယ်။ ဓါးနှင့်လိုက်ထိုးတဲ့အမျိုးသားကို အဲဒီနေရာမှာဘဲ ဖမ်းဆီးရရှိခဲ့ကြောင်း၊ စိတ်ပိုင်းဆိုင်ရာ ရောဂါဝေဒနာရှင်များ ဥပဒေအရ တနင်္လာနေ့ ညပိုင်းက ဖမ်းဆီးထားကြောင်း မန်ချက်စတာ မြို့က ရဲတပ်ဖွဲ့ (GMP) က အင်္ဂါနေ့ ညနေပိုင်းက ပြောကြားပါတယ်။ 

ဖင်လန်နိုင်ငံတွင် ယမန်နေ့ညနေပိုင်းက မိုးလေပြင်းထန်စွာ တိုက်ခတ်မှုကြောင့်  ပျက်စီးဆုံးရှုံးမှုများရှိပြီး  သယ်ယူပို့ဆောင်ရေးလုပ်ငန်းများ ပြတ်တောက်မှုဖြစ်ပွားခဲ့ပြီး ထိုသဘာဝဘေးအန္တရာယ်မှာ ဗုဒ္ဓဟူးနေ့အထိ ဆက်လက်ဖြစ်ပွားမည်ဟု ခန့်မှန်းရသည်။

အာဖဂန် ဥပဒေပြဌာန်းရေးအဖွဲ့က မူးယစ်ဆေးဝါးနှင့် ဆက်နွှယ်သူ ၂၉ ဦးကို ထောင်ဒဏ်တစ်နှစ်မှ ၁၇ နှစ်အထိ ချမှတ်ခဲ့ကြောင်း ယနေ့သတင်းထုတ်ပြန်ခဲ့သည်။

ဂျပန်ပင်လယ်ကမ်းခြေရှိ နီဂီတာစီရင်စု ဆာဒိုကျွန်းပေါ်ရှိ အိမ်တစ်အိမ်တွင် မီးလောင်မှုဖြစ်ပွားရာ လူသုံးဦး သေဆုံးခဲ့သည်။ 

ဂျာအီဘိုဆိုနာရိုသည် ဘရာဇီးသမ္မတအဖြစ် အင်္ဂါနေ့က ကျမ်းသစ္စာကျိန်ဆိုခဲ့သည်။ ဘရာဇီးလီးယား မြို့တော်တွင် ကျင်းပသည့် အဆိုပါ ကျမ်းသစ္စာကျိန်ဆိုပွဲ အခမ်းအနားသို့ ကျူးဘားနှင့် ဗင်နီဇွဲလားခေါင်းဆောင် များကို ဖိတ်ကြားခဲ့ခြင်းမပြုပေ။

ဂျပန်နိုင်ငံမြို့တော် တိုကျိုရှိလမ်းတစ်လမ်းပေါ်၌ ခြေကျင်လျှောက်နေသည့် လူအုပ်စုအတွင်းသို့ မော်တော်ယာဉ်ဖြင့် မောင်းနှင်ဝင်တိုက်ခဲ့သည့် အသက် ၂၁ နှစ်အရွယ်အမျိုးသားတစ်ဦးကို ရဲတပ်ဖွဲ့က ဖမ်းဆီးခဲ့သည်။ နှစ်သစ်ကူးချိန်တွင် ဖြစ်ပွားခဲ့သည့် ယင်းဖြစ်ရပ်ကြောင့် လူရှစ်ဦး ထိခိုက်ဒဏ်ရာရရှိခဲ့သည်ဟု အင်န်အိတ်ချ်ကေ သတင်းတွင် ဖော်ပြသည်။

ရုရှားနိုင်ငံတွင် ဒီဇင်ဘာ ၃၁ ရက်က ဓာတ်ငွေ့ပေါက်ကွဲမှုဖြစ်ကာ ပြိုကျခဲ့သော လူနေအိမ်အဆောက်အအုံ၏ အပျက်အစီးများအောက်တွင် ကလေးငယ်တစ်ဦးအား အသက်ရှင်လျက်တွေ့ရှိ၍ ကယ်ဆယ်နိုင်ခဲ့ကြောင်း ယနေ့အေအက်ဖ်ပီသတင်းတစ်ရပ် အရ သိရသည်။

Pages